يا دموع الحزن في جفن العيون
|
ودعي جفني قبل سدي يبيح
|
حايره في ناظري بين الجفون
|
أرحمي قلب الحزين اللي جريح
|
من فراق اللي على قلبي يمون
|
ما رحمني راح خلاني طريح
|
الحبيب اللي تركني للشجون
|
صد عني صار في وصله شحيح
|
قلبه القاسي هقيته لي حنون
|
ما هقيته عكس للشكل الصحيح
|
جيت له واضح وعاشقه بجنون
|
بالمشاعر مخلص وصادق صريح
|
واستباح الجرح وأكثر بالطعون
|
من طعونه لا وقفت أعثر وأطيح
|
استباح الجرح للقلب الحنون
|
من سبب جرحه سهير أبكي وأصيح
|
نادم أعض الأصابع بالسنون
|
في بحر حزني جريح أسبح سبيح
|
مستحيل أرجي وصاله والظنون
|
فيه خابت والحزن قرب يزيح
|
شطر شاعر قال مادري من يكون
|
ما على الدنيا ضميرٍ مستريح
|
يا دموعي ودعي جفن العيون
|
وارحميني من عذابي باستريح
|
عامر عمار العالي |
|
