في رثاء الشاعر المعروف فيصل الرياحي البقمي - رحمه الله - |
نجم هوى من مداره ما طفى نوره
|
لو غاب يبقى سنا نوره على القمه
|
أعزي الشعر وربوعه وجمهوره
|
وأعزي المرجله والطيب والهمه
|
في فيصل النادر الموهوب الاسطوره
|
اللي حوى المجد من كمه اليا كمه
|
اللي مع أهل الوفاء وافية اشبوره
|
وفاً زرع فيه من خاله ومن عمه
|
فالطيب والمعرفه ما تسبح بحوره
|
وان جيت للشعر عد راهي جمه
|
ودون القبيله وقف متميز دوره
|
كنه موكل من الرحمان بمهمه
|
وان سمع عنها كلام يجرح شعوره
|
يرد رد الشجاع ويغتلي دمه
|
ونفوسنا اللي بعد فرقاه مكسوره
|
الطف بها وأرضها يا كاشف الغمه
|
وابرد كبود على أبو بدر محروره
|
وارحم قلوب بعد حزنا ومهمته
|
عساه في جنة الفردوس مع حوره
|
تلقفه عن ظلام القبر وتضمه
|
يا رب جعل العوض في خمسة صقوره
|
الندّر اللي موجهّم على اليمه
|
والعفو ما اوفيت سيف الشعر مقدوره
|
لعلها كلمة تبرأ بها الذمه
|
زيد بن راجح البقمي (المنتظر)الدمام |
|
