يا حيلة الله من يهوى بعض الأحكام
|
الله يعين ويجبر الصبر للروح
|
في غربتي عانيت وأسرجت الأقلام
|
أفتح تعاليل الشجن وأكتب جروح
|
حاولت أسلي خاطري بس ما رام
|
صبرت لكن بالعنى يرجح البوح
|
مليت والله غصب روتين الأيام
|
ما عاد لي بالبعد رغبة ومصلوح
|
في بهرجة دنيا الشقى كثر الأوهام
|
ظلمة لياليها رغم بارق الضوح
|
الليل موحش والسهر يكتب أحلام
|
دايم وقلبي ينشد الوجد وينوح
|
سطر العتب لو يكتب برأس مرسام
|
يغني ورق ويبدد أعذار وشروح
|
شرهه صدوقة خالجت قلب لوام
|
شفها بحيره عيت تقول مسموح
|
صحيح بالغربة أحاسيس وآلام
|
من وحدتي غنيت مع ساجع الدوح
|
عبدالله الطريسي |
|
