ما هي غريبة يا هوى البال صدتك |
اتوقع اكثر دام هذي سواياك |
روح لاني منتظر يوم ردتك |
النفس طابت منك ما عاد نبغاك |
من عقب ما نفسي بالأشواق بدتك |
واهديت لك عشق عن العالم اغناك |
وسلمت لك في وقت ضعفك وشدتك |
قلب لقيته كيف ما اخترت وياك |
تنام ما تشتكي ونينك مخدتك |
وأنا اسهر بليلي برجو ملاقاك |
خدعتني لكن ماني بصيدتك |
انكشفت اسرارك وبانت خفاياك |
نياتك اللي جابتك ثم ودتك |
الله حسب فعلك من الناس يجزاك |
يا للاسف ما عاد احن لمودتك |
اليوم والله ما ابي غير فرقاك |
لا عاد ترجع ما اتشرف بردتك |
رح دور من الناس مثلك وشرواك |
فهد الغنامي |
|
