يامتى عيني تشوفك في ضباب السوده

السحاب بعالي القمة نزل للوادي

من فضايل عالم الخافي ونعمة جوده

المطر والبرق يا محلا ندى الرعادي

والقصيد وسالفه من عمرها مفقوده

ضايعه من عام عجز يجيبها النشادي

والدقايق لا عليك ولا علي معدوده

وكل ما قلت انزعجت تقول لا. لا. عادي

أقصد انك ما تقول زيارتي محدوده

ولا يحددها زمن هجري ولا ميلادي

بارتوي من طرفك الذابح واغازل سوده

لين أعرف أن الهوى قاتل وله وقادي

واسمعك شعري عسى ترتاح له وتروده

بعدها تعرف غلاك وسطوتك وعنادي

خذ قصايد شاعر يطغى على مجهوده

ساد باسمه مثل حبّك يوم نبضه سادي

في خفوقي لين صرت العشق كل حدوده

وصِرت حاكمني مثل من حط فيه اصفادي

يا حبيبي وين ذيك البسمة المعهوده

ابتسم في بسمتك ليلة هناي اعيادي

وسلهم بنجلك عشقت الملحك وباروده

المحبة ما تبي دايم وجوك هادي

بسكرك وانظر مثلث هالمساء برموده

ولا سكرت اقطع وريدي لا تردد عادي

سعد السهلي

صفحة الجزيرة الرئيسية

الصفحة الرئيسية

رأي الجزيرة