يا سيدي فكرة حوار الديانات

ينم عن معنى التواصل والأخلاق

اللي طبعها فيك رب السموات

وازكى فضايلها الزكية بالأعماق

والله يا بو متعب ما هيب اختلاقات

اخلاق ما انت بتختلق شيء ما لاق

إنسان ما عندك تحيّز ونعرات

مبداك مبدا الخير مع كل الأعراق

تبغى التسامح واحترام الثقافات

بين البشر من كل الأعراق ينساق

حتى يسود العدل والانحلالات

تقطع دوابرها مثل قطع الأعناق

هذا هدفك المعتبر منك بالذّات

وانته لما يسمو بالأخلاق سبّاق

مقاصدك في ما تريده نبيلات

لا ينعدم روح المبادئ وينعاق

ما هوب من مبدأ كثير الدعايات

لا لا وربّي ما لها فيك ملباق

من طُهر نفسك والسجايا الحميدات

اللي محامدها جديدات واعتاق

يا خادم البيتين رمز الفضيلات

بالفعل ما هو بالدعاية والأبواق

ملك.. ملك تسند إليك المهمّات

وتشيل حمل صعب ما هوب ينطاق

لولا الكفاية يا زبون الثقيلات

ما صار لك دور بالأدوار فرّاق

شعبك يحبك من سنين قديمات

ويزفّ لك صدق المشاعر والأشواق

على التفاني منك في كل الأوقات

في خدمته يا فرحته كل ما ضاق

همّه يهمّك في جميع المجالات

وسعادته عندك تصوّر بالأحداق

يا ابن الزعيم اللي تحدى الصعوبات

لين أدرك المقصود يوم السعد ساق

حكم تحقق له من المستحيلات

لولا طموحه ما تحقّق ولا راق

عبدالعزيز اللي فعوله عظيمات

باني كيان معجزة كل الآفاق

المملكة دار القيم والمروات

دامت لنا شمس تجلت بالأشراق

ويدوم قائدها زعيم الزعامات

عبدالله اللي دام عهده بالأوفاق

آمين يا من له تُقام الصلوات

يا كافل آجال الخلائق والأرزاق

مشعل بن نوار المقاطي

صفحة الجزيرة الرئيسية

الصفحة الرئيسية

رأي الجزيرة