هذه القصيدة رثاء في الفقيد متعب بن حنس العضياني (رحمه الله) |
لا والله ألا راح منا فقيده |
ليت الليالي مهلت له ليالي |
مير المنايا علمها ما تعيده |
لو نرخص الغالي على شان غالي |
ما راح واحد راح منّا بديده |
حيدٍ تذرّى في ذراه الرجالي |
وقت مضى يوم الحياه النكيده |
ويوم الليالي بين مرٍ وحالي |
والناس كانوا في حياةٍ زهيده |
أطيبهم اللي في محلّه دلالي |
قدّام كلٍ يفتخر في رصيده |
والزاد درّ معبّسات الشمالي |
كم ليلةٍ والبرد يضرس جليده |
والبرق يبرق في عروض الخيالي |
تعاهدوه أهل الديار البعيده |
وتواجهوا عنده كرام السبالي |
وكم مرة جت بين ربعه مكيده |
وسعى لحلّ المشكلة والشكالي |
بالعرف والحكمه والأرياء السديده |
وبحنكته وألا بخشم الريالي |
وياما وياما من أمورٍ عديده |
يشهد بها أقصى الناس قبل الموالي |
نبراسها حسن العمل والعقيده |
وإغاثة المحتاج بأول وتالي |
متعب يتعّب بالفعول المجيده |
كامل ولله الوفا والكمالي |
مرحوم يا نبع الخصال الحميده |
نسألك المولى عزيز الجلالي |
الله هو الخالق وحنا عيبده |
علام غيب أيامنا والأجالي |
وعسى السحاب اللي مزونه سديده |
يمطر على قبره ليالٍ طوالي |
وينزل مع أصحاب النفوس السعيده |
وشرابه من السلسبيل الزلالي |
وقدّام لا أختّم بيوت القصيده |
الله يجبر كسركم يا خوالي |
محمد خربوش العضياني |
|
