ذكرت وقت فات ماهوب ملحوق |
أشتاق له لو كان قد هو خلافي |
وانا على زين التماثيل مسبوق |
لا شك أحب الحب لا صار صافي |
وخصوص لاجا بين عاشق ومعشوق |
أبيض ولا تسفى عليه السوافي |
قلبي مع بيض العماهج ما سوق |
عكش العيون أمر وجنات الغدافي |
يتوق مثل اللي على طلعه يتوق |
شوفه يميز حركة ما تشافي |
لا قيل مخلوق خذا قلب مخلوق |
قولوا نعم وخذوا علي اعترافي |
هنيت من يصدق وهن مثله اصدوق |
بمبادلة حب على الناس خافي |
عبدالهادي بن راجس |
|
