قصيدة رثاء في والدي الفقيد الشيخ متعب بن حسن العضياني رحمه الله وأسكنه فسيح جناته.. |
القلب يا نايف من الهم مليان |
من عقب أبوي اللي علومه جميله |
ماكن لي عقبه من الناس خلان |
حتى لو اني في بيوت ظليله |
فقدت ابوي اللي للامجاد عنوان |
حلال.. شيال الحمول الثقيله |
نطاح صعبات الدعاوي كحيلان |
هداج.. بهاج الكبود العليله |
رايه يقدي له قبايل وعربان |
ومن ضاقت الدنيا بوجهه يجي له |
شيخ من شيوخ القبيله وله شان |
وبيته يرودونه شيوخ القبيله |
وان كبرت الدعوى على طوال الايمان |
وضاعت حلول الحاجه المستحيله |
اول ما يطري للرجاجيل بلهان |
ويحلها بلهان باهون وسيله |
وان صار بين الناس داين وديان |
كم من عميل خلصه من عميله |
مزبان من ماله من الناس مزبان |
وعون الرفيق اللي أموره قليله |
وإلى لفاه بتالي الليل ضيفان |
هو راعي الكرمه وراعي الجزيله |
يبكيه يا نايف عوارف وشيخان |
ويبكيه ناس من بعيد تعني له |
لكن أبا أطلب ربنا عالي الشان |
انه يظله بالجنان الظليله |
متعب بن صالح بن متعب |
|
