يا قلب لا تحزن على ما جرالك |
خلك عن هموم الليالي والأيام |
تشكي هموم الوقت واللي مضالك |
وتقول صبرك طال والحظ ما قام |
شفت الشقا يا قلب يا طول بالك |
عز الله انك من عنا الوقت منضام |
شفت العجايب في زمان المهالك |
وتصبر على ما جاك مع مر الأعوام |
يا طول صبرك وأنت يا وقت مالك |
تزيد هم القلب وتزيد الأوهام |
يا قلب خلك عن همومك بفالك |
اصبر ولو طال الصبر منت منلام |
محدٍ يلومك لو يضيق احتمالك |
يا قلب في وقت ولو طال مادام |
والصبر ما غيره وهو راس مالك |
والله يفرجها ولو عشت منضام |
نفل محمد الصخيبري |
|
