خطاك السوء يا راس الكرم والمرجلة سلطان |
سلامات تطولك يا ولي العهد واركانه |
عسى الله بالوجود يمد عمرك يالامير ازمان |
على الطاعة وخدمة دين رب الكون سبحانه |
يابو خالد ترى قدرك يفوق النثر والأوزان |
ولا يمكن نترجم قيمتك بالشعر والحانه |
ولكن القصايد لك تسابق داخل الميدان |
ميادين القصايد بالخيال وصدق وجدانه |
ميادين المعاني تنتخيبك والقصيد حصان |
حصان الشعر يمك يالامير يلاعب عنانه |
لاجل هذا سريت مع القصيد ووجهة العنوان |
امريكا دولة يشهد لها التاريخ بأزمانه |
لاجل سلطان يسكنها غلاها يسكن الأوطان |
تنصتها الحروف وكل حرف شاف برهانه |
تخايلها المشاعر والعيون بسرها واعلان |
وتناجيها القلوب اللي على سلطان شفقانه |
يابو خالد لو اكتب من قصيدي ماحو ديوان |
سموك فوق ما يحوى القصيد بثورة اشجانه |
يا راع البسمة اللي تطرد الحيرة عن الحيران |
ليا شافك تبسم تضحك الدنيا على شانه |
يا راع المدة اللي تبعد الداين عن الديان |
بعد مدتك ما يشكي عذاب الدين واحزانه |
يا راع الحكمة اللي حجمها ما يقبل الكتمان |
تناقلها الرواه وساير الاعلام بالوانه |
غلاك احتل كل الشعب شيبانه مع الشبان |
غلاك اكبر من اللي بالضمير وقاله لسانه |
عسى اللي ما يحبك ما يحبه منزل القرآن |
يا منصى من شكى جور الزمان وجور عدوانه |
دحيم النومسي |
|
