لا ضاقت الدنيا تجيك المخاليص |
بامر الكريم اللي يجيب الرجاوي |
خيره يجي تعميم والا بتخصيص |
ولا غيره احد للمساكين ياوي |
طاح الحيا ياللي تبون المبيحيص |
وياللي تطرون الحفر والصداوي |
الكل منكم يعرف الدرب وبخيص |
اليا نواله نية ما يراوي |
والجيب غالي ما شريتوه برخيص |
لعيون سود يتعبن الغناوي |
من زينها فيها النواظر مشاخيص |
كل طلبها لو ثمنها غلاوي |
لا بكر الوسمي ورحل المقانيص |
عقب الشعير اللي بصفر البراوي |
مرباعها ما فيه شور وترخيص |
ولا ترتع الا كل قفر خلاوي |
ترعى بدار متعبات القوانيص |
في فيضة ما دوجوها الشواوي |
زهورها لهموم الايام تشخيص |
الا دوا من حار فيه المداوي |
|
