لا عاد تذكر من زمان الهوى شي |
جرح الزمن يا متعب الروح منّك |
العام يوم الحب في خافقك حي |
وانت المشاعر ما لها دروب عنّك |
والحين مالي في حياة الشقى ذي |
منها ليالي عشقنا ودعنّك |
سود النوايا داخلي جرحها ني |
نسيت مدري كيف ما علمنك |
من قبل مانته شمعة الكون والضي |
أصبحت اشوفك ظلمة الليل كنك |
راحت بي الايام و استحكمت في |
همومك اللي عن طريقي نحنك |
تامر على قلبي منول وتنهي |
دنياك ولت والاماكن نسنك |
بعض البشر ما فيه راحه ولا فيّ |
من كثر ما خيّب مع الوقت ظنك |
كنت احسبك واحه واشبهك بالمي |
وأثرك سراب وغدر الاحباب فنّك |
حاولت لكن ما طلع شي بيدي |
حتى المساري لا ذكرتك بكنك |
ولا صرت جاهل بالمحبه ترى هي |
نبض القلوب اللي من الشوق جنّك |
هذي النهاية وآخر علاجنا كي |
بابياني اللي في حياتي رثنك |
(العفيف) - البكيرية |
|
