يامن لقلب بيح الود خافيه |
ماعاد باق فيه غير الصياحي |
كنه على غصن من السدر يلويه |
والا يهذا في شطير السلاحي |
على عشير كلما حل طاريه |
يودع صناديق الضماير لياحي |
بيّن لي الجفوا وانا مشفى فيه |
اشفاية الظامي لشرب القراحي |
حلفت ما ابيعه وأنا العام شاريه |
اقع تحت صم الصفايح مراحي |
ياكود من علم يغيضن ويرضيه |
والخوف من يمه يهج الرواحي |
وده يواجهني وانا ودي اجيه |
والكل منا ابعدته المشاحي |
عديت عن وضاح الأنياب لا أجيه |
كما أجرب عدي عن ابل صحاحي |
سرور الأطرش |
|
