ما دريت ان القدر جانا وشاله

لين قالوا يا علي الفوت فات

الصديق اللي تحبه طاب فاله

ودع الدنيا ونال المكرمات

التجا لله ولا غيره لجاله

طالب من خالقه حسن الثبات

واعسى ربي يهون له سؤاله

يسكنه في منزل زين الصفات

ارحمه يا رب واكفل له عياله

من نساء ومن بنين ومن بنات

دلهم درب ابوهم لك عناله

ما بعد اهمل اصيام او صلات

ارحمه يا رب واقبل من دعا له

لا ترد اللي دعا له يوم مات

سيرته يا رب وانت اعلم بحاله

واضحه كالشمس ما به شايبات

كلنا يا رب نشهد باعتداله

وانت علام بكل الخافيات

مخلص للدين والدولة ولا له

اهتمامات ابغير النافعات

جامع للعلم كن العلم جاله

بالتخصص من جميع الجامعات

ما بعد شفناه مغرور بماله

او غرور من مناصب عاليات

كان سمح الوجه لا شفته تخاله

ما بعد مرت عليه المشكلات

من كثر ما هو لطيف دار باله

للفقير وللضعاف الباكيات

نم قرير العين يا ابن العم داله

لا تشيل الهم حامين الوصات

صفحة الجزيرة الرئيسية

الصفحة الرئيسية

رأي الجزيرة