يا طير أنا بعطيك علمٍ توديه |
والسوق ذا بايع وسايم وشراي |
وانا سوات الذيب واسري مساريه |
واللي معي يمشي تراهم حلياي |
أمشي وكم ذيبٍ مع الدرب أخاويه |
على النقا والعز بيبين مسراي |
والجرح ينزف والأطباء تداويه |
لكنهم يا طير ما جابوا أدواي |
والوقت ذا وقتٍ يا مكثر بلاويه |
فيه الحسد حتى على شربة الماي |
وانا كما حرٍ نوادر مجانيه |
حرٍ ولد حرٍ وخذ مني الراي |
والطيب الطيب ترى اشفق لطاريه |
واشفق على شوفه وذكره بذكراي |
والخايب اللي خاب خابت مباديه |
وإن كان خاويته يبا يخيب مبداي |
ناصر الحويمضي |
|
