يا الله يا منشي المزون الثقيلات |
ياللي عليك المعتمد واتكالي |
يا سامك بالعرش سبع السموات |
والأرض سبع ومرسيه بالجبالي |
إنك تعين اللي للإسلام مشكات |
عبدالله الضرغام واف الخصالي |
اللي رقاء بالمجد روس الطويلات |
بالحق سيفٍ ساطي ما يبالي |
ساس الشهامة والوفاء والمروات |
تاج الوطن عزه بعيد المدالي |
هذاك أبو متعب وللشعب بالذات |
ما له مثيل ويشهدن الفعالي |
حلحيل حلال الأمور الصعيبات |
خدام للبيتين حقٍ يقالي |
نادر حرارٍ للعروبة معزات |
عند اللوازم واكتراب الحبالي |
نسألك باسماك العظام الحسينات |
يا الواحد الرحمن تقبل سؤالي |
تنصر رجالٍ له مواقف ونخوات |
عبدالله وسلطان روس الرجالي |
أهل العوايد بالليال العسيرات |
لهم الولاء والود في كل حالي |
هذا الوكاد اللي فلا به مروات |
يشهد عليه الله عظيم الجلالي |
الهرج زبده والنوايا سليمات |
وعلى النبي صليت باخر مقالي |
يا الله يا منشي المزون الثقيلات |
ياللي عليك المعتمد واتكالي |
فهد بن عبدالعزيز الرميان - بريدة |
|
