قصيدة مرثية بالفقيد الشيخ ذعار بن بدر المشدق رئيس مركز عطي رحمه الله. |
ذعار بن بدر المشدق فقدناه |
راع الصفات الطيبات الحميده |
الطيب اللي ما تعدد مزاياه |
ذعار بن بدر المشدق فقيده |
رحل عسى الجنة مقره ومثواه |
في رحمة الرحمن راحم عبيده |
الشيخ أبو نواف والطيب منشاه |
ما ينسي راع الفعول المجيده |
الوافي اللي بالوفاء ما قدر أنساه |
مهما نقوله في بيوت القصيده |
رحل وفعل الخير باقي بدنياه |
عساه بالجنة ونفسه شهيده |
عطي يبكي من فراقه وينعاه |
الي سعى له في مطالب عديده |
خلف عيال مشيهم مثل ممشاه |
هم الخلف والكل منهم وليده |
الله يبارك في عياله ويجزاه |
بالخير والرحمة يضاعف رصيده |
وصلاة ربي عد حرف كتبناه |
على النبي واعداد حرف بجريده |
محمد بن ناصر العريني |
|
