القلب هايب.. وفكري حارسٍ سورة |
واسمح لي اني أبين وش سبب خوفه |
لو تسمع اللي أقوله.. قلت معذوره |
ترى السوالف عن الاحباب معروفة |
يجيك حس يشد القلب وشعوره |
يملك كيانك.. وكن ايديك مكتوفة |
تمشي على ما بغا.. والنفس مبهورة |
تتبع حبيبك.. وتسكن عينك طيوفه |
وله صورة في ضلوع الصدر محفورة |
والقلب لا قال أحبك.. يشتعل جوفه |
حتى اسم ولفك تحبه من سنا نوره |
تذوق طعم الحلا.. لو تنطق حروفه |
والا العطا كل يوم منك له صوره |
وتقول لا صد عنَّك.. عيَّت ظروفه |
وتشوف نفسك غدت بالحيل مجبوره |
على الصبر.. والعنا.. والشوق وصنوفه |
تحتار الا.. من جفاك.. وتشتكي جوره |
وتشوف موتك بعينك جاك بحتوفه |
يحق لي لو اصير اليوم مسروره |
وش لي بهمٍ بجني يصقل سيوفه |
قصة جميل.. وبثينه قصه مشهوره |
وشبيه مجنون ليلى.. دايم نشوفه |
وما دام قلبي رهيف وسامع الشوره |
على عذاب العنى مانيب مكلوفه |
نورة الشبيلي |
|
