لا تدور أعذار للفرقى وتهجرني |
إن كان قلبك سمح لا تحسب حسابي |
مانيب جازع وربي لو تغيرني |
بقول خاين وابفتح للهجر بابي |
ليه اتندم على شي يدمرني؟ |
وليه اتعثر وأنا في يديني زهابي؟ |
لا حل بارضك بلاء لا لا تدورني |
من دون تدري أبرحل واخذ ركابي |
خابر ظروفك وقصدك لا تخبّرني |
أدري بعذرك وتدري وانت أدرابي |
شقق دفاتر لغلاي ولا تشاورني |
واحرق بنار الغدر (يالوافي) كتابي |
أنا أدري إني لفراغك بس ذاخرني |
لا تحسب إني حسبتك حسبة أحبابي |
حاسب حساب الخيانة لا تقدرني |
إلبس ثياب التنكر واخلع ثيابي |
من غير تبحث عن اعذار تصبرني |
الله واكبر عجزت تخون باسبابي |
يعني ضميرك دفعك وجيت تخبرني؟! |
لا من ذبحت الغلا لا ترحم إعجابي |
لا تشيل هم الفراق ولا تعبرني |
روّح ودربك خضر لا تحسب حسابي |
فيصل بن سبيّل الباهلي |
|
