بدر بن عبدالمحسن الطاقة الإبداعية المتفجرة شعراً.. يرسم بإحسان العذب ملامح العقيدة التي تتحدى النسيان.. وهذه سمة المبدع.. هنا نضع لكم شيئاً من عزفه الشاعري الذي هزم النسيان ببقائه في أذهان الناس.. |
في دربكم يا راحلين مناكيف |
تالي ليالي القيظ وأول خريفه |
ردّوا سلام أهل القلوب المواليف |
على الوليف اللي نشد عن وليفه |
ردّوه لعذوق النخيل المهانيف |
وعلى القصور اللي بوادي حنيفه |
دار لها بالقلب عشق وتكاليف |
ياعل عين ماهوتها كفيفه |
طبنا وشبنا وأتعبتنا المشاريف |
والمرقب العالي هبوبه عنيفه |
يا واردين العد كفوا المغاريف |
اللي بقى دمع هماج ذريفه |
والله لو دمّي يغيث الملاهيف |
قطعت عرقي لين يصفى نزيفه |
ويا حظ من لا عرف منهو ولا شيف |
إن طاب يحمد وإن تردّى بكيفه |
وحنا ورثنا العز عظم وغضاريف |
لا ما ورثنا العز تاج وقطيفه |
بدر بن عبدالمحسن |
|
