شق النهار بخاطري جرح فرقاك |
حتى السهر تاه بليالي سنيني |
لقيت طيفك في نظيري ويمناك |
كنّه تصافح بالأماني يميني |
من زود وجدي بس أطالع هداياك |
وأذكرك شايلها وفيها تجيني |
نار الغضا حولي وجمرة بطرياك |
يصلي حشاي ويستلذ بأنيني |
يا موت قلبي من حيا الشوق بخطاك |
ويا شعري اللي مات وأحيا حنيني |
إلا على فكرة.. ترى وقتك ألهاك |
شكلك نسيت أن الغلا محتويني |
ما تدري أن القلب والروح تهواك |
وإلا تناسى هالغلا يا ظنيني |
ما فيه بالدنيا ولا شخص يسواك |
وما ظنتي تلقى لمثلي وزيني |
أرجوك لا تنهي حياتي برجواك |
خذها نصيحة ودي يا نور عيني |
اكتب وصالك قبل مالوقت يمحاك |
ولا يفيدك لو تجي ترتجيني |
بندر بن محمد الحمّودي -عنيزة |
|
