يا قصر وين اللي تربع بك اسنين
منّك رحل بنيت عليه النصايب
نعوه جيرانه وناس كثيرين
ويبكيه هذا الحي واهل ونسايب
رحل ولاله في البسيطه عناوين
واليوم تحت اللحد ماله قرايب
فيصل حبيب الضيف زبن المساكين
وافي لجيرانه ولا ذم غايب
في مجلسه تلقى الكرم والمهلين
وإدلال صفر تصطلي على الركايب
يصبر على البلوى ولا يشتكي البين
دماح للزلات عند الطلايب
ساسه عريب ومن رجال اصيلين
تحمي جلاوي القوم عند المصايب
ياعين يللي من فراقه تهلين
هيهات ما تنفع دموع سكايب
راضين بالمكتوب والحق راضين
راضين بأمر اللي يدير الهبايب
يا لله يللي لك تصلي الملاين
تسكنه بالفردوس بين الحبايب
"مدارات شعبية"