تدري وش اللي عذبك في حياتك
احساسك انك أجمل الكون والناس
تدري غرورك صار أبرز صفاتك
خطر غرورك يمنعك تاخذ أنفاس
ضيعت عمرك ما وصلت أمنياتك
خلك على ما قلت ما تحني الراس
اسم الكرامه ما تعانق بذاتك
انا اشهد انك عايش بدون احساس
لا صرت تتكبر وبانت رداتك
ما ظنتي تلقى بها الكون جلاس
أغرب زمن خلاك ترمي حصاتك
مهما رميت الناس لك يوم تنداس
كانك على ما قلت زين بحلاتك
وش ينفعك زينك بلا عقل وقياس
ترى القمر صعب يسوي سواتك
هذا وهو نوره يغطي على الناس
"مدارات شعبية"