ليتك تحس بكل شي يجيني
يا ليت تفهمني ولو كان مرّه
ليتك تعرف اليوم وش صار فيني
همٍ قتلني شفت منه المضرّه
صادق معك واسأل فؤادي وعيني
للقلب مرباعٍ وللعين قرّه
يوم انها جارت عليّ السنيني
اهديتني يا بحر لولو.. ودرّه
جعلك تشوف العز في كل حيني
يا سهيل وان غابت نجوم المجرّه
ماني مثل غيري يسار ويميني
انشد زمانٍ فات ليه اتشرّه
ترى الرجل معروف دنيا وديني
وللطير مخلابٍ وللصيد جرّه
مادام طير العز فاخت يديني
اصبر على وقتٍ بلاني بشرّه
"مدارات شعبية"