ادري ظروف الوقت ما تساعد الناس
وادري زمانك ما يشابه زماني
معذور يابو قلب مرهف وحساس
ارحل وانا والله ماني اناني
ما بيك تنظر لي قصايد وقرطاس
انا شعور انسان يحمل حناني
غيرك رحل واليا رحلت انت لا باس
اصلا انا بعدك وقبلك معاني
الوحدة اللي ما لها صوت وانفاس
غربة مواطن ما لقاه مكاني
اشريك يا حلم مضى بشيك الافلاس
واعيش فرحة كل عمره ثواني
كلي رجا لو واقعي مجمله يأس
اسرف بصبر للمهالك حداني
يمكن وانا في تالي الوقت محتاس
اطلقت لاحلام الشباب العناني
الفكر يرحلبي مع كل نسناس
وأرقا مع الافكار وارضى جناني
نوبٍ يغيبني عن الناس وسواس
ونوبٍ اعيش بواقعي في تفاني
غرتني اللي همها شعر كراس
واقفيت عنها ما كسبت الرهاني
والعلم يابو قلب مرهف وحساس
ما شعت لأجل احصد سراب الاماني
"مدارات شعبية"