سادس ملوك المملكة تاج راسي
عبدالله المحبوب والكل حياه
مليكنا اللي كالجبال الرواسي
وكل الرياح اللي اتدمّر تعداه
من نشأته وهو بعالي الكراسي
صقرٍ ولد صقرٍ على الصيد رباه
رأيه سديد في رخاها وباسي
سِلم الصديق وغصة اللي تحداه
ورث الحكم ثابت على خير ساسي
من أسسه صقر الجزيرة وسماه
يحكم بشرع الله بغير التباسي
في كل شأن من شؤونه ودعواه
حبه الشعبه ما لحده قياسي
يسمع مطاليبه وونات شكواه
فكره يفكر واللسان بحماسي
يأمر ابغيثٍ سال من كف يمناه
سوى لسلمنا براويز ماسي
وحلاه بارقام جديدة بها أحياه
وزاد التقاعد والضمان ابتواسي
ومناخنا، مشكور، زاده وعلاه
وامره بسعر للوقود باساسي
ساعد مزارعنا ومن قل ممشاه
وسكن عوائل، في الفقر والمآسي
غرقانة، قبل الطلب والمناداه
بعماير فيها الأثاث امتواسي
يقدم هديه منه، يا طيب مسعاه
بسفينة الإسلام زار المراسي
في شرقها والغرب والرب يرعاه
يدعو لتوحيد الصفوف بتواسي
وينصر نبي الله بدينه تبعناه
إذا انتصر للدين صلبٍ وقاسي
واذا انتصر للنفس سمحٍ لمن جاه
محاسنه لواكتب ابكل باسي
ما احصيتها ولا لجوده امكافاه
الا الدعاء والحب، هو تاج راسي
مني ومن كل الشعب، والمولاة
عسى الولي يكسبه ضافي اللباسي
من صحته وينوله ما تمناه
بدنياه والجنة بها خبر كاسي
من انهارها اللي في المنزَّل قرأناه
"مدارات شعبية"