الطبع يغلب والطبيعه لها غب
والناس تمشي في طبيعه وعاده
الناس مثل القشر والحب واللب
حتى القشور أحيان فيها استفاده
ماني بخب في حياتي، ولا الخب
يقدر يخادعني بزايف وداده
تبت يدين اللي يحسد البشر تب
الحسد: جرح ما يحصل ضماده
يمكن يحسد اللي من الأم والأب
ويمكن يحسد أمه وأبوه.. العباده
بئس الطبيعه حسد نعمة من الرب
كنه يعارض للقضاء واعتقاده
أخوان يوسف يوم جابوه للجب
ما جابهم غير الحسد والقراده
داويت حسادي بما أملك من الحب
قلت انتزع بالحب شوكة فؤاده
وازداد غي وزاد في غيبتي سب
حتى اقتنعت انه يزيد بسواده
اثر القلوب الحاقده ما لها طب
حتى الدواء زود مرضها زياده
إن كان تقدر توقف النود لا هب!
تقدر تغير في طبيعة وعاده!
"مدارات شعبية"