عسى قلب توطاه العنى من نقشة التذكار
ما تبطي به على ذا الحال ويفجر براكينه
وصلنا ثالث ايامه وهو ما بين غار ونار
يميل الوجد لا أحضان الصبابه في مضامينه
يميل لصورة ملكنها بين الحنايا دار
وبأحداقي بلون الطيف خلابه بساتينه
ألا وآشيب عيني يا طواريها على المحتار
تهيأ يا سنام توأ ماسنت سكاكينه
دخيل الله يكفيني من الدنيا علي ما صار
كلام مصدر الأحساس ما غنى لتدوينه
صحيح الي وطى الجمره هو الي ذاق لسع النار
يقوله من قتله الوجد بين الخلق وسنينه
أحسك ما آلتمس لك عذر وأشواقي لها منظار
وكباح البوح والصمت الرهيب أبلغ عناوينه
ورحيل العمر ما يعني تلاشي للغلا مقدار
آجي وألا يجي طاري ينسنس لي رياحينه
يداعب سيرة الماضي وعشرة صاحب التذكار
والى طاحن دموعي.. في خيالي شفت (أنا عينه)
"مدارات شعبية"