رسمتك على لوحة بها قلبي الولهان
وكثر ما أراعيها أخاف انت تأذيها
جمعت الوفاء والصدق وفي مبداك انسان
وعجز راعي الكلمة يبرهن معانيها
متى يرسى القارب على شاطئ حيران
ومتى يصرخ الإحساس ويعشق لياليها
أنين.. وحنين.. وشوق ضايع بلا عنوان
والأسباب معروفة ولو كنت تخفيها
كفاية تردد.. فارق الهم والأحزان
ولا تعيد ماض كان بالروح يشقيها
عيش الحب في اخلاص وأنسى زمان كان
وجروحك حبيبي صادق الود بمحيها
تعال اعترف لك كيف صادق وأنا غلطان
وكيف المحبة تجبر اللي مشى فيها
أكيد أن كل اثنين في حبهم برهان
وأنا والوله والشوق روحي معنيها
تعال أهمس بكلمة صغيرة.. عظيمة شان
حروف أربعة لكن كثير انقتل فيها
أنا أدري من تأثيرها يبكي الفرحان
وكثر الشعر عي يعالج مآسيها
أحبك وأحبك ثم أحبك وحبي بان
وناظر عيوني كيف حبك سكن فيها
"مدارات شعبية"