هب الهبوب ودق بالنفس هوجاس
هيض علي ما كان خافي بحالي
يفز قلبي فزت الطير قرناس
لا شفت انا الطيب وزواله طرالي
الطيب طير وهدته ترفع الرأس
ولا كل طير طار جاب المنالي
إلا ولد حر على قيس ما قاس
يضرب بكفه صاطي للمعالي
لا من طلع للجو تحبس له أنفاس
ويرتاح خاطر صاحبه منه تالي
ترى الوفا للحر عاده وله ساس
ما يارد حياض الرد والحثالي
من فضل رب الكون ما عندي عماس
لا من دعيت الطيب هلا وجالي
حنا شرينا الطيب من كل الأجناس
نسوق لأجله كل غالي ومالي
متوارثينه للوفى عندنا باس
طلابت العليا وفيها نغالي
غلطان يا مناظر غلا سيد الناس
خسران تايه راى والعقل خالي
"مدارات شعبية"