لا والله ألا راح عنا فقيده
والموت جاه وراح بالشيخ عنا
شيخ المراجل والعلوم الحميدة
عز الله أنه مفخرة في زمنا
اللي على الأمجاد روحه شديده
ولسمعته والله كلاً تمنا
حتى على شانه يقدر حفيده
وفي ذمتي للواجبة ماتونا
بالطيب ما والله يحصى رصيده
عز الله انه من فطاحل وطنا
واقسم قسم إني كتبت القصيدة
ومحجر عيوني في دموعي تحنا
والضربتين اللي سطنبي أكيده
موتة أبوي وعمي اللي كفلنا
عبدالله الغالب وقوله وزيده
ذخر وفخري تاج راسي وأملنا
والله لو محجر عيوني حديده
انه يذوب من الدموع وتعنا
أحاول أنسى صدمتي وستعيده
وارجع على الذكرى وقول وتمنا
يالله تغفر له بيوم الوعيده
وفي جنة الفردوس تجزاه عنا
واليوم والله راح منا فقيده
وكن المصايب خيمة في وطنا
"مدارات شعبية"