يالله يا منجي من الشد مظلوم
ترحم لمن يرفع لعينك يدينه
ترحم مليك غادر الدار مرحوم
خادم حرم مكة وسام المدينة
مرحوم أبو فيصل ذرا كل مضيوم
ويالله تجبر بالعزاء فاقدينه
المملكة فقيدها صيرم الحوم
عليه حكام الجزيرة حزينه
سو البلا من حكمته راح مهزوم
والغرب صافح هيبته في يمينه
انشد من الجيران واعطيك معلوم
عن الفهد حامي محيط السفينه
كبير قدر وفرجته هزت عزوم
هزت عزوم الدار مع ساكنينه
ويالله تجعل جنة الخلد له دوم
بجاه الولي يوم التجاه في يدينه
دار الفلك وهب الهواء بعدل ورسوم
خطة وسام المجد متوارثينه
وتسلمه طير السعد مدرج الحوم
أعلن أبو متعب سندها بحينه
وأعلن مواثيق العهد بحسن واسلوم
وكلٍ رفعله بالمبايع يدينه
الملك عبدالله وماضيه مفهوم
وإن انتفض غبار الوطن هو ضمينه
ولي العهد سلطان لا صار مزحوم
قايد مديد الجيش والله عوينه
وعضودهم ساس الوفا ماكر قروم
يا سعد منهم باللوازم عوينه
واختامها صلوا على فارض الصوم
المعتلي كاشف خفي الظنينه
"مدارات شعبية"