لا والله اللي راح نمر النماره
ومعقبه صقر الجزيرة كحيلان
لا والله اللي راح منا خساره
خسارة ما تنتعوض بالأثمان
حلال عسرات الامور بجباره
اليا تولاها وقف كل غلطان
مرحوم ياللي فك بالضيق جاره
وقف بصفه عند روغات الاذهان
خل المعادي ينهزم من نهاره
عقب الطمايع راح مفلس وخسران
الطيب يظهر له موارى واشاره
ولا الردى اسمه ردى وين ما كان
من لا غرف دلوه وماحه يساره
يصير فيها حزة الضيق نقصان
ما ينفعه عقب الفوات اعتذاره
لا صار ما يطلع على راس مابان
عساه بالجنه مقر ومكانه
في جنة الفردوس راضي وقنعان
في جنة الفردوس ليل ونهاره
اقولها من خاطري سر وإعلان
"مدارات شعبية"