يالله يا عالم خفايا عبيده
يا ناصر المظلوم يا سامع دعاه
أنت الإله وتفعل الي تريده
وحدك ولا غيرك إلهٍ عبدناه
أغفر ذنوب الي علينا فقيده
يارب تجعل جنة الخلد ماواه
خبر ضحى الاثنين ما الله يعيده
أدمى القلوب ومعظم الكون بكاه
نبا وفاة الفهد صافي العقيده
مفجع وهز العالم أقصاه وأدناه
فهد فقيده والليالي نكيده
ماهو بأي انسان لا مات ننساه
الموت حق غصب لو ما نريده
لو في يدينا شيء دونه منعناه
الموت كل من انتهى أجله يصيده
حتى محمد صفوة الخلق وافاه
رحل رحيل ماوراه تعويده
ننعاه والعالم على طول ينعاه
لو غاب تبقى الذاكره تستعيده
ومن وين ما نرسل نظرنا ذكرناه
اللي بنا مجد البلاد المجيده
حتى الفضاء في ظل حكمه وصلناه
الأمن ظافي والمكارم عديده
با العلم كلن حقق اللي تمناه
عشنا تحت ظله ليالي سعيده
يسهر وحنا نرقد الليل بحماه
بذل من أجل الدين ماشحت أيده
التوسعه شاهد على ما ذكرناه
ولطباعة المصحف مكاين فريده
مفسرن للي من الناس يقراه
حسب اللغات لكل منهو يريده
مصخرٍ للدين جهده ودعواه
يعمل لربه والمساعي حميده
الله على أخلاصه بالاحسان يجزاه
ما تحصي فعوله بيوت القصيده
رمزٍ من رموز البطولة فقدناه
وعسى العوض عن غيبته في عضيده
آمين يامن تسجد الناس لرضاه
نعلن ولاء طاعة محبة أكيده
عهدن على جداننا ما نقضناه
دون الوطن فن الحرايب نجيده
كم طامعٍ دونه باالاقدام دسناه
في ظل أبو متعب عسى الله يزيده
باالدين والتقوى وللخير يقداه
حلال عسرات الامور المكيده
غيثٍ على شعبه وسمٍ على أعداه
من هيبته عدوان شعبة مسيده
كم واحدٍ عقب الطمع عاف دنياه
الخير وفعوله من أغلى رصيده
كم معسرٍ جاله عقب عسر وأغناه
وكم من سيامين دياره بعيده
بأمره فصل عقب التصاقه مع أخاه
يعم خيره كل دار وبديده
أبوٍ ليا ضاقت علينا نصيناه
وولي عهده با المواقف وليده
سلطان سلطان السعد لا عدمناه
يحل صعبات الظروف العنيده
إلى وقف كلٍ يهابه ويخشاه
حكيم لابار الحديد بحديده
يقدر يحل المستحيلات با أرياه
يمناه دايم بالمكارم زهيده
تنفق يمينه دايم الدوم لله
حكامنا اللي كل شرٍ تبيده
آل السعود وغيرهم ما قبلناه
أخوان نوره بالليال الشديده
هم رمزنا اللي من فخرنا لبسناه
مبدا الهدف واحد والاريا سديده
ودستورنا القرآن نهجه ومبداه
نعلن لهم صدق الولا بالجريده
مانخون عهد الطاعة الي عطيناه
"مدارات شعبية"