راح الفقيدة وذرفت دمعة الجود
وشفنا الكرم يبكي على اللي فقدناه
يا مرحبا تبكيه والكيف والعود
واقلط عليه تقول لا وا حلالاه
وبيت الوجار ووسطه دلاله شهود
وبابٍ مشرع كل شغموم ينصاه
والطيب كاسيه الحزن شيف ملهود
ساعة لقاه العلم جرّ آه ثم آه
والشعر من بعده تقل شيخ مضدود
مثل العواجي يوم شامخ تحداه
والجود عقبه فاقدٍ ناس وبدود
في موت ابن شلاح يا كبر بلواه
الله يبيحه في سجاياه محمود
من دوّره في ساعة العسر يلقاه
أيحذر الأجيال عن كل منقود
ويا ما زرع فالمجتمع من مزاياه
ينعونه الرواد وأعلام ووفود
وبرنامجه والشعر والجود ينعاه
لكن عزانا صيته اليوم موجود
صيت الشرف والعز من طيب مبداه
يا لله تعصمه من أذى النار والدود
ومع زمة الناجين فالخلد مثواه
يالله يا رحمن يا مسيّر النود
تغفر لابن شلاح كامل خطاياه
"مدارات شعبية"