يا بيت مصعب جيتي لك اليا جيت
اصعب من اللي شيل منها ولدها
من أول لا جيت واقبلت واقفيت
عيني تشاهد كل يومٍ سعدها
أمي عديل الروح هي شمعة البيت
أمي اركون البيت وأمي عمدها
ياما بحضن أمي وأنا صغير ونيت
تسهر على الليل متعب نهدها
وياما من الأحزان لا مني ابطيت
هلت مدامعها وجابت جهدها
الله يجازيها عدد ما تمنيت
ويحرم من النيران كامل جسدها
لاشفت زول مثل حلياه فزيت
حتى ولو تمضي سنين بلحدها
جعل النصايب ترتوي لا تعديت
من مزنةٍ سودا ثقيلٍ رعدها
"مدارات شعبية"