وش فيك يوم أنك زعلت وتسلطنت
وش غير أحوالك على كل حالي
لا ما حصل مني خطاوي ولا خنت
وعهدٍ قطعته ما فنته الليالي
كانك على الفرقا قويت وتمكنت
جعل السعادة مدهلك والعنالي
وكانك تبي ذلة عزيز تراك انت
مثل الذي يطرد سرابٍ يلالي
في ذمتي ماجيك لو كنت من كنت
بدري على المقفي ألقيه بالي
الله خلقني هامتي فوق ما أنهنت
أزوم نفسي دايم الدوم عالي
أنا على طبعي تربيت يابنت
عزيز نفس وشيمتي راس مالي
"مدارات شعبية"