يا راكب حمرا من الهجن معفاه
محيله من عقب شحمها شتابه
ما فوقها الا الكور والدل يزهاه
جدعية تقطع بطون الذيابه
ان هزتها بالعصا والعصا جاه
تفزيز ريم ليا جفل جاب مابه
تلفي على ابو الثمان المصفاه
واويل طراد الهوى واعذابه
وليا لفيته قل عزي له وعزاه
من واحد باقصى الضماير صوابه
صواب قلبي خازن ما يتعداه
جيت الحكيم وقال ماضي صوابه
على ابو قرون شقر مغذاه
حرمت انا طرد الهوى في اسبابه
يا رب يا معبود تسرع بلا ماه
قبل وزين الروح ياخذ حسابه
وقال نمر بن عدوان أيضاً:
البارحة افكار تجلي النوم عني
خزيت وانزاح الكرا عن عيوني
النوم غصان الملا ما غصني
وعدي على جمر تسلهم جفوني
من ليلة غربي الكهف بالتوني
حنين خلج باختلاف الظعوني
من عقب اذناب الحيل وفنجال بني
متونس واونس اللي يجوني
ماني عقب ماني مزين اللي زبني
اليوم عايزني لراسي زبوني
يا حمود قل لحمود وش جاه مني
ربع تحاكوا بالردا وابغضوني
وا حسرتي وا قصرتي والغيض مني
وابعد شوف لابتي في عيوني
يا الله ما تخلقني طير وني
وافوج رهراه الهوى في متوني
اضرب على الخضرا ولا عاد اثني
موت الشهادة ولا حياة الغبوني
"مدارات شعبية"