لمسة وفاء من سيدي لاعدمناه
أميرنا المحبوب تسلم يمينه
يوم الأحد يوم الوفاء ما نسيناه
موقف مؤثر كلنا مشاهدينه
يوم احتضن سامي فرحنا وشكرناه
وسامي من الفرحه يقبِّل جبينه
فيصل أمير المنطقة كيف نجزاه
بينه وبين الشعب أواصر متينه
يا سيدي والله والله والله
هاذي بلاد الخير أمن وسكينه
كلام سامي اكثر الناس بكاه
اسلوب راقي والمعاني ثمينه
حكامنا أهل الوفاء والمساواه
آل السعود أهل العقول الرزينه
فهد فهدنا واللي الناس يحماه
العاهل الغالي يقود السفينه
وولي عهد المملكه طاب ممشاه
عضيد أبو فيصل أخوه وعوينه
وسلطان سلطان السعد ربي اشفاه
يحب فعل الخير ناصر لدينه
ونايف وزير الأمن لا خاب مسعاه
وبلادنا محفوظ بايدي أمينه
وجهد اللواء خالد ابد ما جحدناه
يستاهل التكريم يا مكرمينه
وهذا الوطن بقلوبنا الروح تفداه
واللي نواه بشر واجب نهينه
غراب لندن لو نعق ما سمعناه
يشيل في قلبه أنواع الضغينه
وابن الشهيد منا وفينا ونرعاه
وما قام به شهيدنا مثمنينه
ومصابنا فعله بطولي وشفناه
على جهوده كلنا شاكرينه
يعيش راع الحفل واللي تبنّاه
أعيان واهل بريده منظمينه
"مدارات شعبية"