بسم الله اللي كون الكون تكوين
رباً خلقنا وأبعد الشرك عنا
يا رافعين السيف والحق والدين
يا ملوكنا بعد الله ابكم ومنّا
من أولاً نومي على رووس حبلين
بين الرجاء والياس منكم ومنّا
من الجهل ما نفتهم دربنا وين
وبعد حكم عبدالعزيز اتزنّا
الحاكم اللي عاصر العسر واللين
بعقله وفكره تحمل جهلنا
عبدالعزيز اللي رجح بالموازين
بالعدل حتى جت على ما تمنا
منه استقرت واستمرت على الزين
وشد الحبال اللي من أول تثنا
مرحوم ذاك الرأس والخشم والعين
عساه في خلد الجنان يتهنا
سلم الأمانة خادمين الحرمين
وما دام منهم واحداً ما اشتحنا
حكام نجد لهم فعول وبراهين
وعدوهم في نومته ما تهنا
يآل السعود مطوعين السلاطين
بالله توكلنا وعليكم اتكلنا
إلى رضيتوا معكم الشعب راضين
ولا زعلتم من زعلكم زعلنا
أنتم حماة الدين وانتم هل الدين
والحمد لله خيرنا في وطنا
للمملكة في الأمن (تسعة وخمسين)
مرتاحة لأمن احزونها اللي مضنّا
حكامها منّا وعلى الحق ماشين
ومن التكاتف والتعاون وصلنا
الجسم ما يصلح بلا رأس ويدين
ولولا العمد ما جا بيوت تبنّا
لولا الله ثم حكامنا ويننا وين
يمدي الزمان اللي مضا قد نطلنا
قاموا بشرع الله وحطوا قوانين
والحق يعطينا على ما فعلنا
الله يحفظهم لنا أيام وسنين
بالحق والعدل احكموا واعتدلنا
حطوا مساجد عامرة للمصلين
الله يحفظهم ويقبل عملنا
واهدوا على الشعب السعودي ملايين
لأجل الرفاهية وتحقيق املنا
وبالذات كليات للعسكريين
تكسر بها عين العدو لا فتنا
تدريس وتدريب ومهارة وتمرين
ولا انتفخ ذرب العدو ما زمنا
حنا سعوديين بالله غنيين
ما نروح مع ذولاك ونكب أهلنا
حد المصالح ما نطش العراجين
والا اكتفينا نطشها عن نخلنا
الصبر زين وحسبة الدهر يومين
ونعمل يداً وحده سوا ما انعزلنا
آل السعود وشعبهم مثل الاخوين
بالحق ما كان الزمن معه كنا
بأمر اللذي نزل تبارك وياسين
حنا هل الحق وهل الحق منا
وهذا الكلام اللي حميته من الشين
ورووس العدا ياطي عليها جملنا
الله يحفظ ملوكنا قولوا آمين
أهل الوفا اللي ما يصدون عنا
والفضل للي كون الكون تكوين
رباً خلقنا وابعد الشرك عنا
"مدارات شعبية"