أخذ الخبر علم المجنون يا صاحي
عن همي اللي شغلني ويش موضوعه
قله إن كانه يبي تفسير ويضاحي
يصبر ونرسله الاخبار مطبوعه
وانعلمه عن هجوس غيضها فاحي
في بالي معقله والعقل مربوعه
ما تبتعد ضيقتي عني وتنزاحي
والقلب لو تزعله ما تزعل اضلوعه
والبال ماهو مرتاح ومنساحي
حتى نعاقب عدو الدين وروعه
وان ضحي بكل ما نملك ولارواحي
ونرد صوب الوطن لو ربع منفوعه
لاجات بالجد ماهي لعب ومزاحي
وبانت لنا والجبان يجمع افزوعه
واعلن بها للملا ما هيب لماحي
في شاشت التلفزة لناس مذيوعه
حنا كريمين بالارواح وشحاحي
بارض سقانا ثراها حلو ينبوعه
وانا الطواري لها فالبال مسراحي
مر تفرق ومر اتصير مجموعه
منها السهر نام في عيني ولا راحي
نوخ أركابه وطفي باقي أشموعه
يا بلادنا ما يهز أركونك أرياحي
قواعدك من كلام الله مصنوعه
قدرك تعلا عن الواطين ما طاحي
ومن تحت سابع ثرى الله ترسى جذوعه
أرواحنا ودمنا من دونك أسلاحي
والنذل ما يصالك لو حب كر سوعه
يوالله نسقيه سم علقم اذحاحي
واخطاه لجل الوطن ما هيب مرجوعه
لك يا وطن فالعلا ممساء ومصباحي
والمجد تملك حجاه وتسكن فروعه
يا الله تمحا هل التفكير يا ماحي
دعوة من القلب عند الله مسموعه
اللي لهم منهج ملحد وفضاحي
وملة منكره ما هيب مشروعه
الحرب تمسي احيال وتصبح لقاحي
وتنجب يتاما وعجزو رمل مفجوعه
ويلا نتهت خلفت ذابح وذباحي
وعود يدور على سدة رمق جوعه
وختامها يا وطنا عشت بافراحي
وافراحك اللي مضت بالخير متبوعه
ابجاه رب صلاتي له وسباحي
له طاعتي ونحناي وقلبي اخشوعه
"مدارات شعبية"