ننشد زمنا وش بقى وش يخفي
(حب النقاء) في وقتنا وش مصيره
نزرع وفاء حنا مع اللي يوفي
عميت عيون اللي عيونه بصيره
روحي مراح مقيط ورشاه هفي
ما عاد أبي من صافي الماء وبيره
ما نيب أدور للردى في ملفي
وما نيب أدور للمقفين سيره
شفي ترى وسط المغاتير شفي
شفي وراء صفرن زهت بالظهيره
لا هوبل الراعي بصوته يكفي
مع أول البل مثل أبوها نظيره
وحب العذارى شمعتن ما تطفي
دايم على دنياء الولايف سهيره
لكن عذابي يوم أشوفك مقفي
يطري علي ان الليالي قصيره
مدري مع العذّال والا بصفي
يا الله عسى بأمر المحبين خيره
ماني على أول شاربٍ لك يرفي
أنا ولد شيخٍ يحل الكبيره
اما تجي وتحط كفك بكفي
والا تروح وجعلها لك سفيره
"مدارات شعبية"