يا الله يا اللي كل مخلوق يرجيه
يا الواحد المعطي عليك اتكالي
تفرج من باهت بدربه خطاويه
من عقب ما هو داله البال سالي
يا عين دمعك لا تهونين هاتيه
لا عاد يبقى لأزرق الدمع تالي
دمع الرفيق اللي بكى شوف غاليه
من عقب ما دارت عليه الليالي
مرحوم يا اللي كل ما حل طاريه
طار يخلد صورته في خيالي
القبر جعل مروح المزن يسقيه
حيثه يضم اللي من الناس غالي
يا وعيل قلبي كاثرات طواريه
من عقب ما قفيت كني لحالي
وما دام نايف حي والعز كاسيه
شوفه يصبرني على ما جرى لي
الناس كلا تحت تدبير واليه
الخالق الرازق عزيز الجلالي
وصلوا على اللي والي العرش هاديه
نبينا المعصوم في كل حالي
"مدارات شعبية"