أنا حسين أبدى كلامي بتهليل
وأخاف من هرج المقاريد وأخشاه
اللي يشيلون الردى بالمناقيل
والطيب إذا شاف ما شاف خفاه
العلم لو دونه قفول وصواميل
إذا تعدى اثنين فالناس تلقاه
الناس بهم رجال ربع حلاحيل
وما تبخص إلا من تخاويت وياه
أخاف من قوال الردي والمهابيل
من واحد يقول يا الربع وش جاه
غلقت أنا خمس وخمسين تكميل
ما أبيه يدري واحد عقب هاذاه
ما نيب شاعر بس أصلح تماثيل
أبيات أولفها وأنا اعرف معناه
حطيت أنا الماء والهواء لي مراسيل
أرسلتهن للي تبي لنفس تشهاه
اخترتهن للستر ربط وتحليل
ما أبيه يدري غير أنا وهو والله
حملتهن علمي ولا يبي تفصيل
قالوا ندور من تبي لين نلقاه
قال الهواء حقي على القلب توصيل
مع الريه دربي مع الخشم مجراه
والماء يقول القاه لو بأظلم الليل
مع كل عرق احط علمك مع غذاه
اللي عطان شوي أوفي له الكيل
وجميع من يفعل معي شي أجزاه
وصلاة ربي عد ما يظلم الليل
على محمد جاب دين المساواة
"مدارات شعبية"