حر شهر من حوش نصر معنا
وقوطر يخم ديارنا والخوابير
قوطر يخم بلادنا مع وطنا
حر على البردين ياخذ مشاوير
لابد نوبه عند شيل يدنا
توحي حساس الطرش هو والمداوير
يا محلا يا شيخ زوعة ظعنا
وياما حلا يا شيخ خز المعاشير
متى نطير غبرة المرج عنا
متى تزوع اسلافنا والمظاهير
مبروك هاك اليوم يوم رحلنا
ونباري اللي يشلعون الطوابير
بيوتنا قفو الجهامه تبنا
وان طالع الشواف قالوا حزاوير
امر من المولى علينا تدنا
الحكم حكم الله والي التدابير
ان صاروا الفرسان منهم ومنا
يازين بين الخيل جدع الطوابير
لعيون من رش الذوايب بحنا
نسوي على خيل المعادي معاصير
عادتنا يا شيخ زبن المجنا
وقصيرنا نفديه عن المخاسير
الطيب كار جدودنا هم واهلنا
ونجنب الفرسان لوح الشوابير
حنا ذعار الخيل بالحرب حنا
ليا جن مع روس النوازي دعاثير
حيشانها والمرج ماهي وطنا
مار الزمن به مال رب المقادير
"مدارات شعبية"