طيب الله فال من قاد السريه
وبيض الله وجه زيزوم الوزاره
الموجّه والمواجه مع خويه
يستحقون النواميس بجداره
شيخنا نايف وزير الداخليه
يرسم الخطه بعقله واقتداره
له سمين الراي والنفس القويه
يقتدون الناس في يمة قراره
دون حدك يا وطن روحه هديه
تسهر عيونه على راحات داره
والجنود اللي يسومون المنيه
بالعزايم والنخاوي والشطاره
ويا وطنا ما نبي دونك وصيه
منزلك بصدورنا يكبر وقاره
يوم طاح المنحرف طيحة ضحيه
لا نقص ربعه ولا موته خساره
ضيعوه اللي نواياهم رديه
وش عليهم يدفعونه في دماره
صححوا له واسمحوا له بالخطيه
ما درا أن الشر مبداه الشراره
نطحوه ذنوب والنار اللظيه
وحرضوا له بالردا حتى بجاره
يا كسالا بالحروف الابجديه
البلد بحما قرانيس الصقاره
مرتكين للثقيلات القصيه
كل منهم يستحق اسم الاماره
نجد مهره لونها شقرا ثنيه
راسها شامخ ويسمو باعتباره
شرعها واحد ومبداها وفيه
من نصاها راح يشكر هالزياره
بدعي الله واتشفع في نبيه
يا عساه يعيش مقدام الوزاره
"مدارات شعبية"