تعبت العين ترقب جيتك من بعيد
النظر فوق رمشي ارتكى وانتظر
كنه أللي موسد وجنته فوق ايد
من كثر ما تحرى صار مدمن سهر
ارتعد لا ذكرتك مثل فعل الجريد
لا صفقته الهبايب تحت وابل مطر
ما نسيته عشان اذكر ولكن اكيد
كل ما اغشى وأفوق اظن خلي حضر
ما معذب فؤاد رايد ما تريد
وش يسرك إلا من جاك عني خبر
كان يفرحك انك في عذابي تزيد
حاضر وتحت أمرك لو أني باحتضر
لو تحاول تراني في غرامك عنيد
ما أهاب المخاطر ولا أحب الحذر
"مدارات شعبية"