أنا وشباب المملكة ضد الارهاب
حقيقة تكتب لمن هو قراها
ما بيننا منافق ولا فيه كذاب
ومنابع التفجير يهدم بناها
لا ما تمثلنا رديات الاحزاب
اللي ببيت الله تسوي بلاها
شبابنا همه وتوحيد وكتاب
في سكة اللي قادها واحتماها
من وحّد الدولة عقب ذيك الانشاب
والشجرة اللي بظلها من سقاها
من غير أبو فيصل لنا درع وحجاب
ومن غير أبو فيصل بوقته عطاها
ما عندنا الا السيف قطاع الارقاب
ونايف وقف بالسيف للي نواها
حكامنا خيرة عربين الانساب
شيوخ نجد اللي يذري ذرها
يا الله يا المعبود يا رب الارباب
تستر على دار ملكني غلاها
والمملكة فوق الاسامي والالقاب
أنا وشباب المجتمع من فداها
"مدارات شعبية"