الأمن ما نام لا بالله لا بالله
صاحيه عينيه وطوال خطاته
دام نايف فالوجود ومرتكٍ له
قايم حظه عل عز وثباته
علموا من يستريب وفيه عله
واصلينه واصلينه في حصاته
لو يراوغ ثعلب الغابه ندله
كاشفين نيته ومخططاته
هو يحسب أمن المواطن لعبةٍ له
يرهب الآمن ويهنى في مباته
كان شيطانه تهقواه وحبل له
حابلين لمن سواه وشيطناته
وكان ما نسقيه من كاس المذله
ينحسب رجالنا حسبة خواته
لازم ان المعتدي نطوي سجله
نقمعه بالسيف ونوكّد مماته
الوطن أسس على عدلٍ ومله
شامخ وأمجاد شعبه مرسياته
موطنٍ فيه الخواطر مسفهله
منزله كل الضلوع محاوطاته
موطنٍ خيره على العالم يهله
شاهدٍ له بالفضل حتى عداته
موطنٍ كل الغوالي فدوة له
في نهار طوّل الطاغي عصاته
ما ينوشه ضيم ما دمنا هلٍ له
ولا ينوله طامع وحنا حماته
من يبي يشرخ كيانه ما حصل له
ومن تهقوى فيه ما حقق مناته
"مدارات شعبية"